Zaev pret që Kosova të ekstradojë Afrim Ismailoviqin

Kryeministri Zoran Zaev në lidhje me refuzimin e shtetit të Ksovoës që të ekstradojë Afrim Ismailoviqin, i dyshuar për rastin “Monstra”, theksoi se shteti nuk do të heq dorë dhe do të kërkojë që të zbatohet e drejta ndërkombëtare dhe marrëveshjet që dy vendet i kanë arritur.

“Nuk heqin dorë dhe gjithçka që është në dispozicion të të drejtës ndërkombëtare do të ndërmarrim. Nëse kërkojnë dokumente shtesë, dëshmi shtesë do t’u dorëzojmë. Garantojmë gjykim të drejtë”, tha Zaev, transmeton Telegrafi.

Ai shpreson se Kosova do të jetë në dispozicion ta respektojë të drejtën ndërkombëtare dhe marrëveshjet bilaterale.

Në pyetjen e gazetarëve se pse nuk ka pagesë për dëmshpërblimet për rastin Sopoti, Zaev theksoi se ende bisedohet për vlerën.