Po e përfundon mandatin e kryetarit të komunës, por Shaqir Totaj për katër vite qeverisje nuk ka arritur të fillojë realizimin e hiq më pak se 12 premtimeve që i kishte dhënë gjatë fushatës së vitit 2021, raporton Gazeta Online Veriu.info.
Totaj në vitin 2021 kishte bërë gjithsej 78 premtime në programin e tij elektoral. Sipas një hulumtimi të publikuar nga Instituti GAP, nga këto premtime vetëm 42 janë realizuar plotësisht, 10 janë në gjysmë realizimi, 14 kanë filluar të implementohen, ndërsa 12 premtime nuk kanë nisur fare.
12 premtimet e parealizuara të Totajt janë: Shtimi i lëndës për artizanate në Shkollën Teknike, Krijimi i kartës së vullnetarit/es (si shtysë për nxitjen e vullnetarizimit), Subvencionimi i ndërtimit të sistemit të ngrohjes së serrave, Krijimi i tregut mobil për shitjen e produkteve, Organizimi i konferencës vjetore për tërheqjen e investimeve të huaja dhe rajonale, Ndërtimi i nënkalimit afër shtëpisë së bardhë, Hartimi i projekteve për fshatrat turistike. Projekti i ’10 fshatrave turistike’, Themelimi i fondit për Qendrën Historike, Objekti i “Lidhjes Shqiptare në Prizren” do të zgjerohet edhe me monumente të tjera, Rregullimi i statusit të parkingjeve private përmes vendosjes së disa kritereve, Ndërtimi i Stacionit të Autobusëve, Shpallja e zonave turistike si dhe hartimi i planeve për Nashec, Vermicë, Vërri dhe Gryka e Lumbardhit.
Totaj pavarësisht këtij dështimi, po kandidon edhe për një mandat./Veriu.info/
