Sot gjatë ditës, Gazeta Insajderi ka raportuar se pas një operacioni të Policisë në bashkëpunim me organet e tjera të rendit, është vënë në pranga një shtetas turk. Atij i janë gjetur një sasi Botox-i që në total kap vlerën e 150 mijë eurove.
Në lidhje me këtë aksion, ka reaguar edhe Ministria e Shëndetësisë. Në një komunikatë të lëshuar nga ky institucion është thënë: 150 mijë euro Botox kontrabandë në Kosovë. Ministria e Shëndetësisë ndan detaje dhe pamje nga operacioni policor. Janë konfiskuar 860 flakona Botox të kontrabanduara në Kosovë. Ministria e Shëndetësisë konfirmon se pas një aksioni të Njësisë për Hetimin e Krimeve Ekonomike dhe institucioneve tjera të sigurisë, bashkë me Inspektoratin Farmaceutik, i cili ka marrë pjesë në sekuestrimin e 860 flakonave të substancës Botox, të kontrabanduara në Republikën e Kosovës.
