Futbollisti i PSG-së, Lionel Messi, po kalon pushimet në Crans-Montana të Zvicrës, së bashku me familjen e tij të ngushtë.
Mediat raportojnë se argjentinasi është duke jetuar në një pronë me dy shtëpi luksoze.
Çmimi për këto shtëpi raportohet se kushton rreth 300 mijë franga në javë.
Të dy shtëpitë së bashku kanë një hapësirë banimi mbi 4500 metra katrorë.
Ndër të tjera, në pronë ka një liqen privat, një pishinë të nxehtë, një banjë me sipërfaqe 1000 metra katrorë, një dhomë kinemaje, një dhomë lojrash dhe një palestër. Përveç kësaj, të paktën dymbëdhjetë punonjës janë përgjegjës për të ftuarit gjatë qëndrimit të tyre, duke përfshirë shoferët, kuzhinierët dhe shërbëtorët.
Messi ka publikuar edhe fotografi me familjen gjatë pushimeve në Crans-Montana të Zvicrës.
