Kryetari i komunës së Podujevës nga VV, Shpejtim Bulliqi, edhe pse është në fund të mandatit nuk realizoi fare 4 premtime madhore që i kishte dhënë gjatë fushatës së vitit 2021, raporton Gazeta Online Veriu.info.
Bulliqi në vitin 2021 kishte bërë gjithsej 61 premtime në programin e tij elektoral. Sipas një hulumtimi të publikuar nga Instituti GAP, nga këto premtime vetëm 37 janë realizuar plotësisht, 7 janë në gjysmë realizimi, 13 kanë filluar të implementohen, ndërsa 4 premtime nuk kanë nisur fare.
4 premtimet e Bulliqit që nuk kanë filluar fare të realizohen janë:Subvencionimi i gjysmës së interesit për kreditë investuese të bizneseve prodhuese, Krijimi i muzeut të qytetit, Ndërtimi i një parkingu nëntokësor dhe Ndërtimi i palestrës sportive të qytetit.
