Qyteti i Ferizajt po karakterizohet me një kaos urbanistik, për shkak se objektet banesore po ndërtohet pa i plotësuar kriteret ligjore. Madje, sipas drejtorit të AVONET, Kenan Gashi, gjitha vendimet për leje ndërtimore të lëshuara nga kjo komunë prej vitit 2017 deri më 2015 janë të kundërligjshme.
Në një intervistë të dhënë për drejtuesin e Veriu.info, Gazmend Morina, Gashi shpjegon pse një banesë në Ferizaj shitet me çmim prej 500 deri 550 euro për m2, që është çmim i ulët në raport me vlerën e m2 të banesave në gjitha qytetet e Kosovës.
Gashi thotë se objektet banesore në Ferizaj janë të pasigurta, madje shpjegon se atyre ju mungon edhe ajrosja e mirë dhe rrezet e diellit.
“Në Ferizaj për me ble 1 m2 banesë është më lirë se në çdo qytet të Kosovës. Kjo për qytetarët është e domosdoshme, sepse e keni parë që shumë qytetarë të komunave tjera që s’kanë lidhje me regjionin e Ferizajt apo me banorët e Ferizajt, vijnë e jetojnë në Ferizaj. Për si qytet është mirë kjo, sepse është rrit numri i qytetarëve, në të njëjtën kohë frekuentimi. Nëse bëjnë një krahasim me Prishtinën kogja i afrohet. Por çka është shumë e rëndësishme, që ne kemi rrezikuar potencialisht jetën standarde dhe jetën normale në këtë vend, ku në të ardhmen unë besoj që do të bëhet qytet i pajetueshëm për shkak të dinamizmit, jostandardizmit, krizave të ndryshme, rritjes së krimit e shumë e shumë dukurive nëgative”, ka thënë drejtori i AVONET, Kenan Gashi për Veriu.info.
Intervista e plotë:
