Po e përfundon mandatin e kryetarit të komunës, por Bashkim Ramosaj i AAK-së për katër vite qeverisje nuk ka arritur të fillojë realizimin e 6 premtimeve që i kishte dhënë gjatë fushatës së vitit 2021, raporton Gazeta Online Veriu.info.
Kryetari i Deçanir në vitin 2021 kishte bërë gjithsej 20 premtime në programin e tij elektoral. Sipas një hulumtimi të publikuar nga Instituti GAP, nga këto premtime vetëm 9 janë realizuar plotësisht, 4 janë në gjysmë realizimi, 1 kanë filluar të implementohen, ndërsa 6 premtime nuk kanë nisur fare.
6 premtimet e parealizuara të Ramosajt janë:
Komuna e Deçanit do të dal e para në vlerësimin e performancës komunale nga MAPL, Ndërtimi i qendrës së skitarisë në Bjeshkët e Belegut me qëllim të zhvillimi, Subvencionimi i ndërmarrjeve të vogla dhe të mesme, Punësim për të gjithë të rinjtë e kualifikuar, Do të bëhen hapa konkretë që ujit si burim t’i kalojë në menaxhim komunës (jo nivelit rajonal), Ndërtimi i liqenit akumulues për hidrocentrale. /Veriu.info/
