Presidentja e Kosovës, Vjosa Osmani ka uruar NATO-n për 76 vjetorin e themelimit të saj, teksa e ka falënderuar atë për mbështetjen e vazhdueshme ndaj Kosovës, shkruan Gazeta Sinjali.
Në një postim në platformën X, ajo ka shtuar se sot nderohet aleanca e cila ka qëllimin se liria, dinjiteti dhe paqja ia vlen të mbrohen.
Osmani ka përmendur edhe ndërhyrjen e NATO-s në Kosovë para 26-viteve, ku me këtë u shënua edhe përfundimi i luftës së fundit.
“Njëzet e gjashtë vjet më parë, NATO ndihmoi në shpëtimin e miliona jetëve në Kosovë. Ajo mbetet ende shtylla kurrizore e paqes dhe sigurisë – në rajonin tonë, në të gjithë Evropën dhe në mbarë botën”.
“Kosova është e gatshme të kthejë. Ne kemi qëndruar krah për krah me aleatët tanë dhe do të vazhdojmë të qëndrojmë – si partnerë, si kontribuues dhe si anëtarë të ardhshëm”, tha Osmani.
Ajo ka thënë se anëtarësimi në NATO nuk është vetëm qëllim i Kosovës, por është kapitulli tjetër në një udhëtim të përbashkët për paqen dhe sigurinë afatgjatë.
