Idealet e bukurisë ndryshojnë vazhdimisht me kalimin e viteve. Nga joshja e përjetshme e Marilyn Monroe te silueta e dobët e popullarizuar nga modele, si Kate Moss – standardet e bukurisë kanë evoluar vazhdimisht.
Megjithatë, në vitin 2016, ekspertët nga Universiteti i Teksasit njoftuan se modelja dhe aktorja britanike, Kelly Brook, ka një trup perfekt dhe revista FHM e shpalli asokohe si femrën më seksi në botë.
Studimi mori në konsideratë lartësinë, peshën, gjatësinë e flokëve dhe formën e fytyrës. “Kjo femër është krejtësisht natyrale dhe shkencërisht e përsosur”, thanë autorët e studimit në atë kohë.
(Foto: FHM)
Në bazë të studimit, më pas u theksua një BMI prej 18.85 me matje 93-61-87 cm konsiderohet ideale.
Sipas të dhënave të disponueshme, Kelly ishte atëherë 168 centimetra e gjatë dhe matjet e saj ishin 99-63-91, duke e bërë atë më të afërt me idealen. Një plus shtesë, sipas autorëve të studimit, ishte fakti që ajo nuk iu nënshtrua ndonjë operacioni estetik.
Ky titull e bëri Kellyn edhe më të famshme, por sot ajo duket shumë ndryshe dhe pohon se nuk është ndier kurrë më mirë.
(Foto: FHM)
“Unë jam fotografuar pothuajse çdo ditë të jetës sime dhe mund t’i shoh vërtet provat e atyre kohërave të pafat. Shikoj fotografitë e mia të vjetra dhe them: ‘Oh, unë isha vërtet e dobët atëherë’ dhe më pas kujtoj se isha e hollë sepse diçka më ndodhi atëherë”, është shprehur bukuroshja në njërën nga intervistat.
Martohet Kelly Brook, e cilësuar dikur si femra më e bukur në botë
Brook sot është e martuar me Jeremy Parisin, i cili – siç thotë ajo – e ka ndihmuar shumë me vetëbesimin e saj.
(Foto: FHM)
“Nuk është rastësi që jam më e lumtura me trupin tim tani kur jam e martuar, kur po bëj atë që dua me njerëzit që dua, kur jam pak më në moshë dhe më e pjekur, dhe kur në përgjithësi gjithçka në familjen time është mirë dhe të gjithë janë të shëndetshëm”, ka deklaruar modelja.
