Kendall Jenner tha ndihet sikur “nuk i përket familjes së saj”. Modelja ka dhënë një intervistë për WSJ dhe fillimisht ka theksuar se: Kam lindur në këtë jetë, por nuk e kam zgjedhur. Siç shpjegoi Kendall Jenner, për aq kohë sa mban mend, ajo është ndjerë e shkëputur nga pjesa tjetër e familjes së saj. Ajo vetë ishte vetëm 11 vjeç kur u shfaq reality show i parë i familjes së saj, i titulluar “Keeping Up with the Kardashians”.
Kështu, ajo dhe motra e saj e vogël Kylie u bënë të famshme në një moshë shumë të re. Modelja pranoi se ndryshe nga motrat e saj, ajo ka një marrëdhënie ndryshe me “famën”. Madje, ajo shpjegon se motra e saj, Kim, është krijuar për këtë botë, pasi edhe kur ishte më e vogël, vizitonte dyqanet dhe ndiqte premiera, vetëm për t’u fotografuar.
Nga ana tjetër, Kendall Jenner pohon se asaj iu deshën 20 vite që të mësohej të ishte në qendër të vëmendjes.
“Unë mendoj se jam mësuar me të tani. Unë jam mirë tani. Thjesht mendoj se edhe unë kam rënë nën ombrellën e Kardashian. Është pak e çuditshme, sepse unë jam si babai im, në shumë mënyra. Unë jam një Jenner,”- përfundoi ajo intervistën.
