Kryetari i Ferizajt, Agim Aliu, njofton për vdekjen e ish-drejtorit të Bujqësisë dhe Pylltarisë dhe aktivistit shumëvjeçar të Lidhjes Demokratike të Kosovës në Ferizaj, Ismet Vranovci.
Aliu ka shprehur ngushëllime për vdekjen e Vranovcit.
Postimi i tij i plotë:
Me dhembje mora lajmin rrufe, se papritmas sot, ka ndërruar jetë anëtari i Kuvendit të Komunës, ish drejtori i Bujqësisë dhe Pylltarisë, aktivisti shumëvjeçar i Lidhjes Demokratike të Kosovës në Ferizaj, Ismet Vranovci.
Ike e na dhe lamtumirën herët, bashkëqytetar e koleg i dashur, vepra e kontributi që le pas, për Ferizajn e ferizajast, do të mbeten gjurmë të pashlyeshme në historikun e institucioneve tona. Të qoftë i lehtë dheu e dritë pastë shpirti yt!
Ngushëllime të sinqerta familjes, miqve, kolegëve e të njohurve të të ndjerit!
