Kryeministri i Kosovës, Albin Kurti, i shpërfilli skandalet korruptive të qeverisjes së tij në këtë ministri, aktgjykimet në Kushtetuese dhe në atë Komerciale, si dhe reduktimin e 25 për qind të numrit të policisë së Kosovës në komunat veriore, ofron vende pune në MINT, shkruan Gazeta Metro.
Duke i injoruar zhvillimet në vend sot, mjaft me peshë, e duke mos e u deklaruar as për skandalet që plasën në media pikërisht në Ministrinë e Industrisë, Ndërmarrësisë dhe Tregtisë, siç duket kreu i ekzekutivit kosovar merret me hapjen e një konkursi për angazhim të për inspektor të tregut.
”15 ka qenë numri i inspektorëve deri të tani. Me thirrjen që po e hapim sot, këtë numër po e ngrisim në 42, duke e rritur për gati 3-fish ose 180% numrin e përgjithshëm të inspektorëve të tregut. Angazhimi në fushën e inspektimit bartë përgjegjësi të lartë dhe kontribut të veçantë për vendin, prandaj i inkurajojmë të gjithë të interesuarit me kualifikimet e nevojshme që të aplikojnë”, ka shkruar Kurti në Facebook.
