Ish-reperi nga Kosova, Feronit Shabani, i njohur si Fero, po vazhdon të përballet me probleme sa i përket jetës së tij personale. I njëjti tashmë “shpëtim” po kërkon nga mediat, me qëllim ushtrimin e ndikimit të tyre.
Në një InstaStory, ai para pak çastesh ndau me ndjekësit, padrejtësinë që sipas tij, iu bë së fundmi nga ish-gruaja e tij, modelja e njohur, Arbenita Ismajli.
Siç shprehet ai, të hënën e kësaj jave, ishte refuzuar nga vajza e tij, kur shkoi ta merrte në Qendrën për Punë Sociale, si pasojë e ndikimit negativ nga nëna e saj.
“Kur ka ardhë vajza, nuk e njofta as vajzën teme, ma bojke babi i keq, edhe ma mëshojke. Do tw thotë e ndikuar nga familjarët e Arbenitës dhe Arbenita. Kanë kalu krejt limitet e padrejtësisë. M’u ka shkelë çdo e drejtë për vajzën teme. Pres nga organet e rendit me marrë masa”, dëgjohet teksa thotë ai.
