Një i mitur është therrur me thikë mëngjesin e sotëm në Mitrovicë.
Lajmin për Veriu.info e ka konfirmuar edhe zëdhënësi i Policisë për Rajonin e Mitrovicës, Avni Zahiti.
Drejtori mjekësor në Spitalin e Mitrovicës, Gëzim Berisha, ka thënë se gjendja e të riut është stabile dhe është dërguar në QKUK për trajtim.
“Ka marrë plagë në gjymtyrë dhe bark. Plaga në bark është serioze, por gjendja për momentin është stabile. Është dërguar në QKUK për trajtim të mëtutjeshëm”, ka thënë Berisha për Veriu.info.
