Policia e Kosovës, përkatësisht FAST Kosova me mbështetje të FIT-it, ka arrestuar në orët e mbrëmjes një person në Mitrovicë me urdhër arrest ndërkombëtar nga shteti gjerman nën dyshimin e kryerjes së vrasjes dhe grabitjes, raporton Gazeta Online Veriu.info.
Personi i arrestuar me inicialet G. V. është dërgua në mbajtje për 48 orë.
Kështu ka njoftuar përmes një komunikate Policia e Kosovës.
Komunikata e plotë:
Policia e Kosovës, gjegjësisht njësiti (FAST Kosova), me mbështetje të Njësisë elite FIT, sonte më 17.10.2024, në orët e mbrëmjes në Mitrovicë ka arrestuar një person të kërkuar me urdhër arrest ndërkombëtar nga shteti gjerman, nën dyshimin e kryerjes se veprave penale, Vrasje dhe Grabitje.
Me urdhër të Prokurorit Kujdestar për Krime të Renda i dyshuari tani më i arrestuar, me iniciale (G. V.) viti i lindjes (1997) dërgohet në ndalim policor për 48 orë për të vazhduar me procedura tjera të parapara për raste të tilla.
Policia e Kosovës mbetet e përkushtuar në realizimin e detyrave dhe autorizimeve ligjore në parandalimin dhe luftimin e të gjitha llojeve të krimit, përderisa angazhime aktive janë duke u realizuar dhe do të realizohen në vazhdimësi edhe në fushën e bashkëpunimit policor ndërkombëtar.
Me respekt
DIMP
