Vizita e kreut të AAK-së, Ramush Haradinaj në Nju Jork, po shënohet me takime të rëndësishme me komunitetin shqiptaro-amerikan, ‘komunitet i cili vazhdimisht e mbështet Kosovën dhe është një urë e fortë mes vendit tonë dhe Amerikës’.
Nga atje, Haradinaj jep një porosi, që të punohet së bashku që Kosova të anëtarësohet në NATO.
“Pata kënaqësinë të takoj shumë bashkatdhetarë, përfshirë miqtë e mi të vjetër Rrustem Gecaj dhe Harry Bajraktari, të cilët kanë qenë shtyllë e fortë e kauzës sonë kombëtare në ShBA. Këta bashkëatdhetarë, së bashku me shumë të tjerë, kanë investuar në Kosovë, duke hapur vende pune dhe duke nxitur zhvillimin ekonomik të vendit tonë. Jam thellësisht mirënjohës për Rrustemin, djalin e tij Avdiun, Harryn dhe të gjithë vëllezërit tanë shqiptaro-amerikanë që vazhdojnë të jenë zëri ynë i fuqishëm në botë”, shkruan Haradinaj në Facebook.
