Çmimi i naftës shënoi shifër rekord të mërkurën në Kosovë.
1.82 për litër nafte e 1.84 për benzinë pagoi çdo kosovarë që u furnizua me këto karburante.
Nga Shoqata e Transportuesve të Udhëtarëve po kërkojnë që të hiqet akciza për lëndët djegëse ndërsa këtë kërkesë e kanë edhe në LDK si opozitë.
Pas situatës së krijuar ka reaguar Ministria e Industrisë, Ndërmarrësisë dhe Tregtisë.
Në njoftimin e kësaj ministrie thuhet se është duke u bërë gati vendimi i ri për rregullimin e çmimeve të naftës.
