Futbollisti i Kosovës, Milot Rashica ka folur para ndeshjes së play-offit të Ligës së Kombeve ndaj Islandës.
Rashica në konferencë për media tha se duhet të shfrytëzojmë përparësinë si vendas në menyrë që të marrin rezultat sa më pozitiv nga ndeshja e parë.
”Gjendja është shumë e mirë edhe pse kësaj radhe ka qenë koha pak e shkurtë, kemi pasur dy-tre ditë stërvitje por prapë gjithë kanë ardhur në formën më të mirë të mundshme edhe normal është ndeshja e parë sidomos pasi luajmë në shtëpi, do të mundohemi ta shfrytëzojmë në maksimum këtë përparësi së bashku me gjithë tifozët dhe shpresojmë në një rezultat pozitiv në ndeshjen e parë.”, deklaroi Rashica.
Ai po ashtu tha se ëndrra e të gjithë futbollistëve të Kosovës është që sa më shpejtë të kualifikohen në një Kampionat Evropian apo Botëror.
”Kualifikimi është ëndrra e çdonjërit prej neve edhe shpresojmë që ta arrijmë sa ma shpejtë edhe çdo ndeshje me kombëtaren shërben për të mirën tonë dhe ma pa ku jemi si ekip dhe individualisht, normal këto e kanë për momentin rëndësinë e vet duhemi me fitu edhe me kaku tutje, pastaj do të kemi kohë me u përgatitë edhe për kualifikimet tjera.”, tha Rashcia.
