Forcat izraelite po operojnë lirishëm në hapësirën ajrore të Teheranit, pasi kanë eliminuar shumë prej sistemeve të mbrojtjes ajrore të Iranit, ka deklaruar një zyrtar i Forcave të Mbrojtjes së Izraelit (IDF), raporton CNN.
“Kemi vendosur liri veprimi ajror nga Irani perëndimor deri në Teheran,” tha zëdhënësi i IDF-së, gjeneral brigade Effie Defrin, gjatë një konference të shtunën.
“Pilotët tanë të Forcës Ajrore fluturuan për rreth dy orë e gjysmë mbi Teheran, së bashku me dronë që qëndrojnë në ajër 24/7, duke vëzhguar zonën dhe duke përfunduar me sulme dhe mbledhje informacioni,” shtoi ai.
Kjo epërsi ajrore i mundësoi Izraelit të ndërmarrë sulme të befasishme ndaj Iranit dhe të “veprojë për të penguar kërcënimet ndaj Izraelit,” tha Defrin.
Ai shtoi gjithashtu se mbi 70 aeroplanë luftarakë izraelitë goditën 40 objektiva në dhe rreth kryeqytetit iranian gjatë natës.
“Kjo është hera e parë që operojmë në këtë hapësirë ajrore,” tha Defrin, duke shtuar se kjo është depërtimi më i thellë në Iran deri më tani.
