Burgu i frikshëm Evin, i cili gjendet në Teheran, është sulmuar sot nga forcat ajrore të Izraelit.
Është e paqartë nëse ka viktima apo sa të rënda janë dëmet.
Ky burg, siç raporton Al Jazeera, mban shumë të burgosur politikë, përfshirë shtetas të dyfishtë, të cilët Republika Islamike shpesh i përdor për t’i shkëmbyer me vendet perëndimore në rast shkëmbimi të të burgosurish.
Sulmi ndaj Evin tërhoqi vëmendje të veçantë sepse, sipas disa raportimeve, në shënjestër ka qenë porta e burgut, gjë që, sipas spekulimeve, mund të ketë pasur për qëllim t’u lejonte të burgosurve të arratiseshin dhe të shkaktonin kaos në kryeqytet.
Në pamjet që u shfaqën në rrjetet sociale, re të dendura tymi mund të shihen mbi disa pjesë të Teheranit.
Forcat izraelite goditën disa vende në një valë sulmesh të kryera të hënën kundër Iranit, duke përfshirë një spital dhe ndërtesën e televizionit shtetëror iranian, transmetimi i drejtpërdrejtë i të cilit u ndërpre në kohën e sulmit.
