Tre anije cisterna të transportit të naftës dhe kimikateve kanë devijuar kursin nga Ngushtica strategjike e Hormuzit dhe janë ankoruar në brigjet e Emirateve të Bashkuara Arabe, sipas të dhënave të trafikut detar të cituara nga Reuters, shkruan Gazeta Sinjali.
Anijet “Marie C” dhe “Red Ruby”, të dyja të zbrazëta, janë ndër ato që kanë ndryshuar itinerarin e tyre mes frikës në rritje për mbylljen e mundshme të kësaj rruge jetike detare nga Irani, transmeton BBC.
Ngushtica e Hormuzit njihet si korridori më i ngarkuar i transportit detar të naftës në botë.
Lëvizjet e fundit vijnë mes tensioneve të shtuara pas sulmeve ndaj objekteve bërthamore iraniane, për të cilat Irani ka paralajmëruar mundësinë e një përgjigjeje që përfshin edhe bllokimin e kësaj rruge strategjike.
