Se Kosova është vend i çudirave dhe joracionalitetit, kjo nuk do shumë mend.
Por atëherë kur besojmë se arrihet kulmi, atëherë del në skenë një politikan që e kalon limitin e parashikuar.
E kush më mirë e bën këtë gjë se sa deputeti i Guxo, Haxhi Avdyli, që minimumin që do të duhej ta bënte sot ishte të dilte në përkrahje të ligjshmërisë.
Ai në vend se ta lavdëronte raportimin për skandalin e mishit të pulës nga “Meka Halal Food”, i cili sipas AUV ishte i infektuar me salmonelë, deputeti Avdyli vendosi të tejlalojë çdo parim racional e shtetëror duke i dalë në përkrahje kompanisë në fjalë, raporton Gazeta Online Veriu.info.
Deputeti Avdyli u ka bërë thirrje qytetarëve që të mos ju besojnë lajmeve për kompani vendore që raportojnë për salmonela në mish, benzinë në ujë apo maca në rafte.
Por aftësia e deputetit Avdyli për ta çuditur çdo mendje të shëndoshë shkon përtej kësaj. Ai duke mbrojtur këtë kompani së cilës ju zbulua skandali, si duket harron se vendimin e mori Agjencia e Ushqimit dhe Veterinarisë që funksion në kuadër të ministrisë që drejton kryetari i partisë së tij, pra ministrisë së Bujqësisë që udhëhiqet nga Faton Peci.
Në një shtet normal, po qe se një politikan do t’i akuzonte mediat për shantazh e shpifje, vështirë se do të ulej sërish në kolltukun e pushtetit, por ja që Kosova është vend ‘sui generis’ në çdo fushë.
Nëse mendoni se çudia përfundon me kaq, atëherë ganoheni.
Avdyli thotë se ai bën të kundërtën e asaj që raportohet në media, duke thënë furnizohet me benzinë në pompat që akuzohen për benzinë me ujë, dhe se blen në marketet që siç thotë ai janë objekt i pseudoportaleve.
Duket se zbulimi i skandalit nga Veriu.info për mishin e kontaminuar me salmonelë në kompaninë “Meka Halal Food” nuk i ka penguar vetëm pronarit të kompanisë, por edhe politikanëve, të cilët në një vend normal sot do t’i bënin thirrje qytetarëve të kujdesen për shëndetin e tyre dhe t’i bënin shtetit për më shumë kontrolle e ligjshmëri.
Postimi i plotë i Avdylit:
