Ministri i Mbrojtjes së Izraelit, Israel Katz, ka lëshuar një paralajmërim të ashpër ndaj Iranit, duke thënë se nëse vendi i tij kërcënohet, do të reagojë me goditje edhe më të fuqishme.
“Krahu i gjatë i Izraelit do t’ju arrijë në Teheran, Tabriz, Isfahan dhe kudo që të përpiqeni të kërcënoni ose dëmtoni Izraelin. Nuk ka vend ku mund të fshiheni. Nëse na duhet të kthehemi prapa, do të kthehemi me forcë më të madhe”, thuhet në deklaratën e lëshuar nga zyra e tij.
Deklarata e Katz vjen pas një konflikti 12-ditor ndërmjet Izraelit dhe Iranit, gjatë të cilit janë përfshirë edhe Shtetet e Bashkuara, që ndërmorën sulme ndaj disa objekteve bërthamore iraniane.
Pas 12 ditësh luftime dy shtetet arritën një marrëveshje armëpushimi të ndërmjetësuar nga Shtete e Bashkuara.
