Armend Zemaj, anëtar i Kuvendit të Kosovës nga Lidhja Demokratike e Kosovës (LDK), ka theksuar se partia e tij është e bashkuar dhe nuk ka ndryshuar qëndrim lidhur me refuzimin e mundësisë së një koalicioni me Lëvizjen Vetëvendosje (LVV) të Albin Kurtit.
“Është e paqëndrueshme të thuhet se kemi ndryshuar mendim. Kjo është një tentativë për të ndërhyrë në politikat e LDK-së. Ju e keni parë edhe letrën që u dërgua së fundmi, ku mundohet që LVV të ndajnë LDK-në në gjenerata të kaluarën, të tashmen dhe të ardhmen,” tha Zemaj.
Ai shtoi se kjo qasje është jo serioze dhe ka për qëllim të zgjasë ngërçin politik, që është në interes të LVV-së.
“LDK-ja ka qëndrimet e saj të qarta dhe nuk ka ndryshuar qëndrim kundër koalicionit me LVV-në. Nëse ka ndonjë ndryshim, ai duhet të miratohet si vendim brenda kryesisë së LDK-së,” përfundoi ai.
