Në një bisedë të re të publikuar në kuadër të emisionit “Debat Plus”, Nazim Bllaca, dëshmitar kyç i EULEX-it në disa procese penale, zbulon detaje të tjera tronditëse mbi bashkëpunimin e tij me zyrtarë serbë, përfshirë një figurë të identifikuar me nofkën “Dragoni”, që përflitet të jetë prokurori serb Dragolub Stankoviq.
Bllaca e pranon qartë këtë kontakt dhe e lidh rrugën e tij si dëshmitar me një seri zhvillimesh dhe marrëveshjesh që shkojnë përtej juridiksionit kosovar.
Në këtë bisedë, Zdenka Pumper, ish-hetuese e EULEX-it që më pas ka punuar për Zyrën e Prokurorit të Specializuar në Hagë, shfaqet si ndërmjetëse, duke i sugjeruar Bllacës që t’i dërgojë zyrtarisht Brukselit materialet dhe shqetësimet e tij.
Por Bllaca i kërkon që këto informacione të përfshihen me domosdo në aktgjykime, duke theksuar se rreziku që kishte marrë për jetën e tij duhet të justifikohet me përmendje të qartë në vendimet gjyqësore:
“Nëse nuk shkruan në aktgjykim si duhet, atëherë unë kurrë nuk do të hyja në këtë rrugë të rrezikshme për jetën time… këtu humbet kryet”, – deklaron Bllaca në një moment dramatik.
Bllaca: Kur ka vizita nuk ka rrjet telefonik a e kupton, dëgjo më unë nuk mendoj, unë nuk muj, nuk muj me mendu kjo nuk është kundër teje, nuk është kundër Danillës a kupton, mirëpo kujdes çka po të them, nëse EULEX-i e godet Bllacën, ti e din çka del mandej.
Zdenka: Po po,
Bllaca: Këto nuk muj me mendu, dëgjo më unë du me punu, ai duhet ministri i Drejtësisë ka të drejtë ka të drejtë, tash sot kam fol me tre njerëz, ka drejtë ministri nëse ka trysni, ka drejtë, me nis prej anës tjetër për shkak të sigurisë, a e kupton ti, unë nuk jam as Agim Zogaj, a kupton.
Zdenka: Dëshiroj të iu them diçka,
Bllaca: Çka?
Zdenka: Dua të iu them diçka.
Bllaca: Çka mendon ti, po urdhëro?
Zdenka: Mos më ndërpreni, dëshiroj të iu them diçka.
Bllaca: Të çeli pak dritën.
Zdenka: Unë mendoj se ju duhet, me i lajmëru të gjitha, këto që mi thatë mu në Bruksel.
Bllaca: Po, unë veç kam dërgu te Bellakosa para dy-tri dite.
Zdenka: Jo jo, Bellakosa, ju duheni me i dërgu këto në Bruksel.
Bllaca: Po, për këtë s’ka problem në të hënën do t’i dërgoj.
Zdenka: Unë mendoj se duheni me i dërgu këto.
Bllaca: Unë kam të drejtë.
Zdenka: Nuk duheni me më prit mu, për me i dërgu këto në Bruksel.
Bllaca: Dëgjo, unë kam të drejtë, ti e dinë, a i ki këto dokumente në gjuhën angleze që i kam çu tek Danillo, a i ke?
Zdenka: Po
Bllaca: Unë kërkoj pse shkruan në aktgjykim, pse shkruhet kjo në aktgjykim, për këtë arsyeje kam hy me punu me ty, a e din ti këtë, për këtë datë kam nis me punu me ty, nëse nuk shkruan se si, atëherë unë kurrë kurrë nuk do të hyja në këtë rrugë të rrezikshme për jetën time, askund, këtu humbet kryet, këtu humbet kryet, aty ku ka të holla ka kallashnikov, ku ka kallashnikov.
Zdenka: Duhet me lajmëru Brukselin.
Bllaca: Ku ka kallashnikov, ka edhe plumb, ka vrasje apo?
Zdenka: Për këtë arsyeje nuk unë nuk dëshiroj…
Bllaca: Unë foli direkt me ty në gjuhën serbe, kuptohemi, më kupton? Unë tash kam fol në 2007-tën me Dragon a e kupton? Edhe kam harru, dëgjo më, unë nuk du, me hy me Danillon në luftë.
Zdenka: Po urdhëro.
Bllaca: Po mundet ajo, mundet me ardhë, po.
Zdenka: Ju duhet me shku në Bruksel.
Bllaca: Unë mendoj 100% me të 22-in.
Përgjimet që po publikohen njëra pas tjetrës krijojnë profilin e një rrjeti të ndërlikuar, ku Bllaca shfaqet si figurë e dyfishtë: në njërën anë dëshmitar i mbrojtur nga EULEX-i, ndërsa në anën tjetër bashkëpunëtor aktiv i prokurorisë serbe.
Ai jo vetëm që dorëzonte informacione të ndjeshme për figura të larta të UÇK-së dhe për të ashtuquajturit “peshq të mëdhenj”, por ndikonte në mënyrë të drejtpërdrejtë edhe në drejtimin e hetimeve dhe ndërtimin e proceseve gjyqësore në Gjykatën Speciale në Hagë, duke përfituar nga lidhjet e tij me hetues e prokurorë ndërkombëtarë.
