Udhëheqësi i Koresë së Veriut, Kim Jong Un, i ka dërguar një letër urimi Presidentit rus, Vladimir Putin, me rastin e ditëlindjes së tij të 73, ku flet për besimin se aleanca midis dy vendeve do të vazhdojë të forcohet në të ardhmen.
Në letrën e cituar nga agjencia shtetërore e lajmeve të Koresë së Veriut, KCNA, Kim shkruan: “se marrëdhëniet aleate mes dy vendeve, të cilat kanë arritur kulmin e tyre, do të përparojnë më tej, falë miqësisë së ngushtë.”
Kim përsëriti mbështetjen e tij për atë që e cilësoi si ‘luftën e drejtë’ të Rusisë për mbrojtjen e sovranitetit kombëtar, një deklaratë që i referohet qartë pushtimit rus të Ukrainës.
Përplasje mes ushtrisë siriane dhe forcave kurde në Alepo, një i vrarë dhe disa të plagosur
Dy vjetori i luftës, Izraeli dhe Hamasi fillojnë negociatat për armëpushim
Sipas Agjencisë së Inteligjencës së Koresë së Jugut, që nga tetori i vitit 2024, Koreja e Veriut ka dërguar rreth 15 mijë trupa dhe armë për të mbështetur operacionet ushtarake të Rusisë në Ukrainë.
Takimi më i fundit midis Kim Jong Un dhe Vladimir Putinit është zhvilluar në Pekin, në fillim të muajit shtator, me rastin e 80-vjetorit të përfundimit të Luftës së Dytë Botërore.
