Iris Stalzer, kryetarja e sapozgjedhur e bashkisë në qytetin Herdecke në Gjermani është gjetur e plagosur rëndë në apartamentin e saj, shkruan DW.
Mësohet se politikania socialdemokrate ka marrë disa goditje me thikë, ndërsa është në gjendje të rëndë për jetën.
Stalzer sapo ishte zgjedhur kryetare e bashkisë, pasi në zgjedhjet e 28 shtatorit fitoi 52.2% të votave kundër kandidatit të CDU-së, Fabian Conrad Haas.
57 vjeçarja është nënë e dy adoleshentëve dhe juriste prej shumë vitesh në politikën vendore të Herdecke-s, një qytet i lashtë me rreth 20 mijë banorë.
Kancelari federal Friedrich Merz (CDU) shprehu thellësisht tronditjen për sulmin me thikë ndaj Stalzer.
Motivi mbetet i paqartë, por rasti na sjell në kujtesë vrasjen e vitit 2019 të presidentit konservator të qeverisjes vendore, Walter Lübcke, mbështetës i politikës së atëhershme të kancelares Angela Merkel për refugjatët, i cili u qëllua për vdekje nga një ekstremist i djathtë teksa pinte një cigare natën vonë në tarracën e shtëpisë së tij.
