Autoritetet franceze kanë hapur një hetim penal kundër platformës TikTok, pas akuzave se kjo platform lejon përmbajtje që nxit vetëvrasjen dhe se algoritmet e saj mund të shtyjnë të rinjtë vulnerabël drejt akteve të rrezikshme.
Sipas burimit Euronews, kjo ndërhyrje vjen pas një padi të ngritur nga disa familje franceze, një hetimi parlamentar mbi ndikimin psikologjik të TikTok te fëmijët, si dhe raporteve të Amnesty International dhe Senatit francez që theksojnë rreziqe të ngjashme, shkruan burimi Euronews Health transmeton Gazeta Shneta.
Prokuroria e Parisit deklaroi se hetimi do të shqyrtojë përmbajtje që “promovon vetëvrasjen” dhe nëse kompania ka respektuar detyrimet ligjore për të njoftuar autoritetet mbi shkeljet e mundshme.
Brigada kibernetike e policisë do të hetojë edhe raste të “propagandës për metoda të vetëvrasjes” apo transaksioneve të paligjshme të lidhura me krimin e organizuar.
Në reagimin e saj, TikTok mohoi akuzat, duke theksuar se platforma ka mbi 50 funksione sigurie për të mbrojtur adoleshentët dhe se “nëntë nga dhjetë video të dëmshme hiqen para se të shihen”.
Nëse hetimi çon në akuza dhe dënime, të fajësuarit mund të përballen me vite burgimi dhe gjoba.
Vitin e kaluar, shtatë familje franceze paditën TikTok, duke e akuzuar se nuk ka mbikëqyrur përmbajtjet e rrezikshme.
Dy prej tyre humbën fëmijët e tyre, mes tyre 15-vjeçarja Marie Le Tiec, e cila ishte ekspozuar ndaj videove që nxisnin vetëvrasjen. Nëna e saj deklaroi se algoritmi i TikTok e kishte “normalizuar depresionin dhe vetëdëmtimin”, duke e kthyer në një ndjenjë të shtrembëruar përkatësie.
