Deputeti i PDK-së, Bekim Haxhiu, ka reaguar pas zhvillimeve të fundit në veri të Kosovës, raporton Veriu.info.
Haxhiu, përmes shkrimit të tij në facebook shprehu përkrahjen dhe mbështetjen e plotë për Forcat e sigurisë së vendit.
Postimi i tij i plotë:
Në këto momente të tensionuara në veri të Kosovës, jemi në mbështetje të plotë të forcave të sigurisë së Kosovës.
Është e drejtë e Republikës së Kosovës ta mbrojë sovranitetin dhe qytetarët e saj nga grupet ekstremiste të radikalizuara dhe të dirigjuara nga Qeveria e Serbisë.
Duhet kujdes i veçantë ndaj banorëve shqiptarë në veri, të cilët janë heronj të gjallë, të cilët që 23 vite po e mbrojnë atdheun përkundër presionit dhe rrezikut të pa ndërprerë.
Pavarësisht situatave që mund t’i krijojnë grupet ekstremiste serbe në veri, Kosova nuk guxon t’i nënshtrohet asnjë presioni për të zbatuar Kushtetutën e Kosovës në gjithë territorin e Republikës tonë të njohur nga bota demokratike.
P.S.
Sot në orët e mbrëmjes në Veri, në shtëpitë kala të piktorit dhe poetit Hero Kadri Kadriu, bashkë me Lulzim Zeqirin vizituam familjen e Ali Kadriut
