Një ngjarje e rëndë ka ndodhur mbrëmjen e 9 gushtit në Dajç të Shkodrës, ku një fëmijë 12-vjeçar është qëlluar aksidentalisht me çifte nga xhaxhai i tij dhe si pasojë ka gjetur vdekjen.
Në bazë të raportimeve paraprake nga vendi i ngjarjes, mësohet se djali i vogël dhe xhaxhai i tij kanë qenë duke luajtur, në çastin kur arma është shkrepur dhe plumbat kanë rënë mbi 12-vjeçarin.
Menjëherë, djali është dërguar në spital për të marrë ndihmë mjekësore, mirëpo për shkak të plagëve të marra, ai ka ndërruar jetë.
Një hetim ka nisur ndërkaq nga Policia e Shkodrës mbi ndodhinë, ku po shqyrtohen rrethanat e plota në të cilat ngjarja është zhvilluar.
