Sot, në përvjetorin e 28-të të Betejës së Qirezit dhe Likoshanit, po bëhen homazhe pranë varrezave të martirëve në këtë lokalitet të Drenicës.
Homazhe në Qirez e Likoshanë kanë bërë edhe kryetari i Skenderajt, Sami Lushtaku dhe kryetari i Drenasit, Ramiz Lladrovci, raporton Veriu.info.
Edhe përkundër akuzave e kundërakuzave të bëra mes njëri tjetrit viteve të fundit, sidomos në zgjedhjet e tetorit, ata sot janë parë së bashku duke bërë homazhe për të rënit e lirisë më 28 shkurt 1998, të cilit ishin masakruar barbarisht nga forcat okupatore serbe.
Veriu.info mëson se bashkimi i tyre ka ardhur me lobimin e deputetit të PDK-së, Arian Tahiri, i cili ka arritur që t’i bëjë bashkë Lushtaku e Lladrovcin në këtë përvjetor.
