Portieri i Kosovës, Aro Muric ka reaguar pasi Kosova nuk ia doli të kualifikohet në Kampionatin Botëror, pasi më finalen e play-offit pësoi humbje nga Turqia.
Gardiani i Sassuolos, përmes një postimi emocional në rrjetet sociale, thotë se është krenar që luan për Kosovën dhe është pjesë e këtij ekipi.
”Jam jashtëzakonisht krenar që jam pjesë e këtij ekipi dhe që zbres në fushë me një grup lojtarësh kaq të patrembur dhe të bashkuar.
Ky udhëtim ka qenë gjithçka për ne, dhe dua t’i falënderoj të gjithë në vend dhe në mbarë botën për besimin dhe mbështetjen tuaj.
Në futboll, fitojmë dhe humbasim së bashku, por ajo që kemi arritur shkon përtej rezultateve. U kemi dhënë njerëzve tanë përsëri shpresë.
Për brezin e ardhshëm ky është vetëm fillimi. Ëndërroni më shumë, punoni më shumë dhe vazhdoni të besoni. Koha JONË do të vijë!”, ka shkruar Aro Muric.
