Kryetarja e Kuvendit, Albulena Haxhi, ka 4 ditë që ka marrë edhe pozitën e ushtrueses së detyrës së presidentes dhe ende nuk ka ndërmarr asnjë veprim për kompletimin e KQZ-së.
Madje, ajo nuk e ka bërë asnjë deklaratë në lidhje me emërimin e anëtarit të dhjetë të institucionit që organizon zgjedhjet në vend.
Ende nuk dihet se kur Haxhiu do t`i jep epilog kësaj çështje të “nxehtë’, të cilën në tavolinë ia kë lënë ish-presidentja Vjosa Osmani.
Shoqëria civile dhe njohësit e çështjeve kushtetutës kanë bërë me dije se ky vend në KQZ i takon PDK-së.
Një gjë të tillë e ka konfirmuar edhe Naim Jakaj nga Instituti i Kosovës për Drejtësi.
Ai ka bërë me dije se Haxhiu sa më shpejt duhet të emërojë anëtarin e dhjetë të KQZ-së.
Sipas tij, ky anëtar i takon PDK-së.
“Nuk është dashur të lihej një anëtar të mos dekretohej nga ish-presidentja Osmani. Znj.Haxhiu tani ka dy kërkesa, të LVV-së dhe të PDK-së. Ajo në respektim të kushtetutshmërisë e të parimeve ë ligjit dhe të përfaqësimit të grupeve parlamentare duhet sa më parë ta emërojë një anëtarë. Ne vlerësojmë që anëtari tjetër që do të vinte do të duhej të ishte nga PDK-ja. Edhe pse vjen nga partia e njëjtë, Haxhiu do të duhej të ishte e paanshme ta kryejë funksionin e detyrës me integritet…Kushtetuta kërkon një anëtar nga radhët e PDK-së që rasti të mos dërgohet në Kushtetuese… Do të ishte shkelje kushtetuese, nominimi, dërgimi, dekretimi i këtij anëtari të LVV-së”, është shprehur Jakaj.
Ish-presidentja Vjosa Osmani ishte kritikuar ashpër për mosveprim në këtë drejtim.
Me mosguximin e saj për të vepruar në këtë drejtim, Osmani nuk e kishte respektuar as praktikën që e kishte ndërtuar në vitin 2021, në rastin e njëjtë.
Vendimi i Haxhiut për këtë temë dka peshë të madhe sepse mund të ketë konsekuenca të ndryshme politike në vend.
Nëse Haxhiu, ia plotëson dëshirën VV-së, duke ia emëruar anëtarin e tretë në KQZ, ajo mund të përfundojë lehtësisht në Gjykatën Kushtetuese.
Kjo pasi PDK është shprehur e gatshme për ta dërguar çështjen në këtë institucion.
Favorizimi i partisë së saj, Lëvizjes Vetëvendosje, duke ia plotësuar dëshirën për emërimin e anëtarit të 3-të në KQZ, mund ta bëjë Haxhiun në shkelëse të Kushtetutës, respektivisht nenit 139, ku në mënyrë të qartë është shpjeguar se si bëhet ndarja e ulëseve në institucionin e zgjedhjeve për grupet parlamentare shqiptare.
Një situatë e tillë vetëm sa do ta thellojë krizën politike në vend, pasi në rast se Haxhiu do të deklarohej si shkelëse e Kushtetutës së Kosovës, ajo nuk do të mund të vazhdojë të qëndrojë as si UD e Presidentes së Kosovës.
Në vitin 2021, Osmani kishte vendosur që Partisë Demokratike të Kosovës t’i takonin 2 ulëse në KQZ dhe kësisoj kishte refuzuar kërkesën e Vetëvendosjes për emërimin e anëtarit të 3-të në këtë institucion që organizon zgjedhje në vend. Partia e Kurtit kërkonte anëtarin e 3-të me arsyetimin se në zgjedhjet e 14 shkurtit 2021 ka fituar 50% të votave. Kërkesë të ngjashme është duke përsëritur dhe tani, pas zgjedhjeve të 28 dhjetorit 2025.
