Mesfushori i Portugalisë, Bruno Fernandes, ka shprehur shpresën se ai dhe bashkëlojtarët e tij mund ta kurorëzojnë karrierën ndërkombëtare të Cristiano Ronaldo duke fituar Kupën e Botës 2026. Ronaldo, 41 vjeç, pritet të marrë pjesë në një Kupë Bote rekord, të gjashtën në karrierë, një turne që pritet të jetë kapitulli i fundit i madh për sulmuesin portugez. “Ta përmbyllnim këtë Kupë Bote të fundit me Cristiano Ronaldon duke e fituar do të ishte diçka e jashtëzakonshme,” ka deklaruar Fernandes për Wayne Rooney në një raport të publikuar nga BBC të premten. “Shpresoj shumë që ta arrijmë këtë, jo vetëm për Portugalinë, por për gjithçka që Cristiano i ka dhënë futbollit dhe botës,” shtoi mesfushori portugez dhe kapiteni i Manchester United. Ronaldo, i konsideruar si një nga lojtarët më të mëdhenj që nuk ka fituar ende Kupën e Botës, është golashënuesi më i mirë në historinë e futbollit ndërkombëtar me 143 gola. Fituesi pesë herë i Topit të Artë ishte pjesë e ekipit të Portugalisë që fitoi Euro 2016 dhe ka triumfuar dy herë edhe në Ligën e Kombeve. Portugalia do ta nisë aventurën në Grupin K më 17 qershor kundër Republikës Demokratike të Kongos, e më pas do të përballet me Uzbekistanin më 23 qershor, me të dyja ndeshjet që zhvillohen në Houston. Ndeshjen e fundit në grup do ta luajë ndaj Kolumbisë më 27 qershor në Miami. Kupa e Botës do të zhvillohet nga 11 qershori deri më 19 korrik në Kanada, Shtetet e Bashkuara të Amerikës dhe Meksikë.

Mësohet se hetimet përqendrohen te sezoni i kaluar 2024/25 dhe dyshohet se krimi është i njëjti si 20 vite më parë kur shpërtheu ‘Calciopoli’ që tronditi të gjithë sistemin e futbollit në vendin e Apenineve.

Misteri në Udinese-Parma. Episodi rreth të cilit është hetimi ka të bëjë me ndeshjen mes Udineses dhe Parmës. Në sallën VAR analizohen imazhet për një penallti të mundshme për prekje të topit me dorë. ‘Nuk më duket jashtë siluetës, shikoje pozicionin e krahut më duket se është te trupi’-ishte leximi i Daniele Paterna që dukej se nuk ishte për akordimin e penalltisë. Më pas, pasi u rrotullua një sekondë, ndryshoi mendje dhe nga leximi i buzëve kuptohet të ketë thënë: ‘Është penallti’. Komunikim që i shkon arbitrit në fushë, Fabio Maresca. ‘Fabio të këshilloj rishimin në ekran të episodit për penallti të mundshme’. Arbitri ndoqi këshillën dhe akordon penallti. Udinese e fitoi atë ndeshje 1-0 pikërisht falë golit të shënuar me atë penallti nga Thauvin

Kush foli me Paternan? Pyetja lind në mënyrë spontane; kush e bindi Paternan të ndryshojë mendje? Sipas hipotezës që përfshihet në raportin e Domenico Rocca që më pas u arkivua nga drejtësia sportive, bëhej fjalë pikërisht për shefin e arbitrave Gianluca Rocchi. ‘Ai u ngrit menjëherë nga pozicioni i tij për të trokitur disa here në xhamin e sallës VAR ku ishin arbitrat Paterna dhe Sozza për të tërhequr vëmendjen e tyre me këta të fundit që thirrën arbitrin e fushës para monitorit në fushë’-shpjegohej në atë raport

Në dosje është edhe Inter-Verona e 8 janarit 2024. Në atë rast pati një sanksion i munguar ndaj Bastonit për një goditje me bërryl ndaj Dudas, episod që ndodhi përpara se të shënohej goli vendimtar. Dyshimi qëndron te fakti se në këtë rast arbitri nuk u thirr të verifikonte episodin në ekranin e fushës nga sistemi VAR. Mësohet se janë disa ndeshje të kampionatit të kaluar që janë nën hetim që duhet të sqarojë nëse bëhet fjalë thjesht për gabime apo fshihet diçka më e madhe.