Avni Arifi do të garojë për deputet në zgjedhjet e 7 qershorit nga radhët e Aleancës për Ardhmërinë e Kosovës.
Ai përmes një postimi në Facebook tha se kandidaturën e tij për deputet e ka shpallur mbrëmë në Rubikon, ndërsa tregoi se pse hyri në garë.
“Mbremë në Rubikon e shpalla kandidaturën time për deputet.Në garë po hy sepse kam përvojë, kam njohuri dhe kam besim se këto mund t’i shërbejnë vendit tim në këtë fazë. Kosovës sot i duhen njerëz që dinë me ndërtu partneritete, me hap rrugë për zhvillim dhe me e përfaqësu shtetin me dinjitet. Besoj në një Kosovë të fortë ekonomikisht, të lidhur ngushtë me SHBA-të dhe Perëndimin, ku politika nuk prodhon urrejtje por perspektivë”.
“Në Aleancë është ndërtuar një ekip i fuqishëm. I lumtur se do të jem pjese e këtij ekipi që udhëhiqet nga Ardian Gjini. Kosova nuk ndërtohet me urrejtje. Kosova ndërtohet me vizion, punë dhe partneritet me botën perëndimore”, shkroi ai.
