Nënkryetari i komunës së Ferizajit, Lulzim Aliu, është kandidat për deputet nga PDK në zgjedhjet që do të mbahen më 7 qershor, raporton Gazeta Online Veriu.info.
Ai mban numrin 35 në listën e PDK-së.
Aliu njihet si një nga figurat më të rëndësishme të kësaj partie në Ferizaj dhe rrethinën e kësaj komune.
“Andaj, angazhimi im politik do të vazhdojë me përkushtim të plotë, me synimin që zëri i qytetarëve të dëgjohet fuqishëm dhe që Ferizaj e Kosova të ecin drejt zhvillimit, dinjitetit dhe perspektivës që meritojnë.
Një falënderim të veçantë për degën e PDK-së në Ferizaj dhe lidershipin e kësaj partie, me në krye Kryeministrin e ardhshëm, Bedri Hamza, për besimin dhe përkrahjen e tyre të vazhdueshme në rrugëtimin tim politik.” – shkruan ai.
Postimi i tij i plotë:
Të dashur miq, bashkëqytetarë dhe përkrahës të Partisë Demokratike të Kosovës, kam nderin t’ju njoftoj se në zgjedhjet e jashtëzakonshme të 7 qershorit do të jem pjesë e listës së PDK-së me numrin 35.
Këto zgjedhje, të imponuara nga ata që fituan besimin e qytetarëve dhe më pas e keqpërdorën atë, besoj se duhet të sjellin jo vetëm stabilitet politik, por edhe mirëqenie, zhvillim dhe progres institucional e shtetëror, aq të domosdoshëm për vendin tonë në këto kohë sfiduese.
Andaj, angazhimi im politik do të vazhdojë me përkushtim të plotë, me synimin që zëri i qytetarëve të dëgjohet fuqishëm dhe që Ferizaj e Kosova të ecin drejt zhvillimit, dinjitetit dhe perspektivës që meritojnë.
Një falënderim të veçantë për degën e PDK-së në Ferizaj dhe lidershipin e kësaj partie, me në krye Kryeministrin e ardhshëm, Bedri Hamza, për besimin dhe përkrahjen e tyre të vazhdueshme në rrugëtimin tim politik.
Na priftë e mbara dhe dalshim faqebardhë!
