Ministrja e në detyrë e Ekonomisë, Artane Rizvanolli është duke qëndruar në “Trepçë”, pas situatës së krijuar me minatorët atje.
Si pasojë e problemeve më rrymë, 18 minatorë vazhdojnë të jenë të ngujuar në minierë.
Rizvanolli, nga atje ka thënë se gjendja pritet të përmirësohet shumë shpejt, duke shtuar se minatorët e ngujuar janë në gjendje të mire shëndetësore.
“Jam e gëzuar që pjesa më e madhe e minatorëve që kanë qenë brenda kanë dalë jashtë. Siç u informova, edhe 18 minatorë janë brenda në minierë. Gjendja pritet të përmirësohet shumë shpejt dhe ata të dalin. Sapo mora informata nga menaxhmenti i “Trepçës” dhe bordi, ata janë në gjendje të mirë shëndetësore dhe nuk kanë ndonjë mungesë. Mirëpo, po presim që shumë shpejt të dalin edhe të tjerët që janë brenda”, ka thënë ajo.
“Me këtë rast dua të falënderoj edhe Trepçën, edhe KOSTT-in, edhe operatorin Elektrosever, edhe KEDS-in, Inspektoratin e Energjisë, të gjitha institucionet që janë duke ardhur për të inspektuar, dhe presim raportet për të parë se çfarë e ka shkaktuar këtë avari”, ka shtuar Rizvanolli.
Ajo, ak shtuar se kur të gjithë minatorët të dalin nga miniera, mund të bisedohet për çështja të tjera.
“Më e rëndësishmja është që minatorët duket se janë mirë të gjithë dhe, kur të dalin të gjithë, mund të bisedojmë për çështje të tjera”, tha Rizvanolli.
