Komuna e Prishtinës ka dalë me një lajmërim për stërvitjet e FSK’së në zonën e liqenit të Badovcit sot dhe nesër.
Kryeqyteti tha se do të ketë lëvzje të shtuar e përdorim të armëve nga FKS, por kërkoi nga qytetarët mirëkuptim dhe të mos shqetësohen, duke thënë se janë ushtrime të kontrolluara nga institucionet përgjegjëse.
Deklarata e plotë:
Ju njoftojmë se Forca e Sigurisë së Kosovës (FSK), në kuadër të aktiviteteve dhe stërvitjeve të planifikuara operative, do të realizojë stërvitje fushore në zonën e Liqenit të Badovcit, duke përfshirë edhe një pjesë përgjatë rrugës “Pëllazgët” në fshatin Mramor, në datat 21-22.05.2026 dhe 28.05.2026.
Gjatë zhvillimit të ushtrimeve mund të ketë:
* lëvizje të shtuar të automjeteve dhe personelit të FSK-së;
* përdorim të armëve dhe të shtëna stërvitore.
Andaj, kërkojmë mirëkuptimin e qytetarëve që të mos shqetësohen nga aktivitetet e lartcekura, pasi bëhet fjalë për ushtrime të planifikuara dhe të kontrolluara nga institucionet përgjegjëse të sigurisë.
Faleminderit për bashkëpunimin dhe mirëkuptimin tuaj.
*Fotografia në lajm ilustruese
