Kandidati për deputet nga Partia Demokratike e Kosovës, Bekim Haxhiu, ka theksuar rëndësinë e rolit të asambleistëve të PDK-së në organizimin dhe mobilizimin për zgjedhjet e 7 qershorit.
Ai ka kujtuar se në zgjedhjet e fundit lokale, PDK doli fituese në nivel vendi për nga numri i asambleistëve, duke vlerësuar se i njëjti model i energjisë dhe fitores duhet të bartet edhe në nivel qendror.
“Nga takimi me disa prej tyre, vlerësuam se na duhet ky model energjie dhe i fitores edhe në nivel qendror. Këta njerëz që japin shumë kontribut nëpër komunat tona, janë motori ynë bashkë me kandidatët për deputetë për zgjedhjet e 7 qershorit, për Bedri Hamzën Kryeministër”, ka deklaruar Haxhiu.
Ai ka përsëritur sloganin e fushatës së PDK-së: “STOP KRIZËS, NDRYSHO KOSOVËN!”.
