Vera e kaluar solli shumë entuziazëm te tifozët e Juventusit për afrimin e Edon Zhegrovës.
Fantazia, teknika dhe aftësia për ta bërë diferencën në situata një kundër një i kishin bindur drejtuesit bardhezi të investonin te talenti kosovar, i konsideruar si një lojtar me cilësi të veçanta në repartin ofanziv.
Megjithatë, sezoni i parë i Zhegrovës në Torino nuk shkoi sipas pritshmërive.
27 ndeshje, në shumicën prej tyre duke hyrë në lojë si zëvendësues, zero gola.
Lëndimet dhe mungesa e vazhdimësisë ndikuan ndjeshëm në paraqitjet e tij, ndërsa sulmuesi kosovar nuk arriti ta kishte ndikimin që pritej në një skuadër që kaloi një vit të komplikuar si në kampionat ashtu edhe në Evropë, shkruan “Tuttomercatoweb”, përcjell “Gazeta Express”.
Pavarësisht kritikave dhe zhgënjimit për rendimentin e sezonit të fundit, në ambientin juventin ekziston bindja se Zhegrova e meriton një mundësi të dytë.
Drejtuesit e klubit nuk e konsiderojnë situatën e tij të krahasueshme me atë të Lois Opendës, për të cilin është vendosur tashmë largimi nga projekti bardhezi.
Në Torino besojnë se potenciali teknik i 27-vjeçarit vazhdon të mbetet i paprekur.
