Redaktorja e Radio Televizionit të Kosovës (RTK), Blerta Foniqi-Kabashi, ka njoftuar largimin e saj nga ky institucion pas më shumë se dy dekadash pune.
Foniqi-Kabashi bëri të ditur vendimin përmes një postimi në rrjetet sociale, ku theksoi se ka kaluar 22 vite në RTK, periudhë të cilën e përshkroi si të mbushur me sfida dhe rritje profesionale.
Ajo u shpreh se ndihet e çliruar me largimin nga institucioni, por shtoi se RTK do të mbetet gjithmonë pjesë e rëndësishme e jetës së saj profesionale.
Në deklaratën e saj, ajo theksoi se ka punuar me dinjitet dhe profesionalizëm gjatë gjithë karrierës, duke shtuar se synimi i saj ka qenë që RTK të shërbejë si transmetues i vërtetë publik.
Foniqi-Kabashi po ashtu shprehu keqardhje për kolegët që lë pas, duke shpresuar në përmirësimin dhe forcimin e institucionit në të ardhmen.
