Kandidati i PDK-së për deputet me numër 35, Lulzim Aliu, ka takuar mësimdhënës të shkollës “Tefik Çanga” në Ferizaj, me të cilët ka bashkëbiseduar për sfidat në arsim, kushtet e punës dhe nevojën për më shumë mbështetje institucionale për ta.
35-shi i PDK-së, thotë se mbetet i palëkundur në angazhim për një arsim cilësor dhe për dinjitetin e çdo mësimdhënësi, raporton Veriu.info.
Postimi i Lulzim Aliu:
Takimet me mësimdhënës i vazhduam edhe me ata nga shkolla Tefik Çanga në Ferizaj.
Është një nder dhe kënaqësi e veçantë të marrësh përkrahjen e atyre që me përkushtim edukojnë dhe formësojnë brezat e rinj të vendit tonë.
Bashkëbiseduam për sfidat në arsim, kushtet e punës dhe nevojën për më shumë mbështetje institucionale për mësimdhënësit tanë.
Angazhimi ynë mbetet i palëkundur për një arsim cilësor dhe për dinjitetin e çdo mësimdhënësi.
