Shefi i Asamblesë së Lidhjes Demokratike të Kosovës, Egzon Pacolli, ka reaguar ndaj deklaratave të asamblistit të Vetëvendosjes, Gëzim Sveçla, lidhur me draft-rregulloren për tarifa, ngarkesa dhe gjoba komunale në Prishtinë.
Në reagimin e tij, Pacolli tha se Vetëvendosje po mashtron opinionin publik, duke theksuar se në Kuvendin Komunal nuk është votuar vendosja e tarifës prej 10 eurosh, por vetëm dërgimi i draft-rregullores në diskutim publik.
“Gëzim Sveçla dhe Vetëvendosje po mashtrojnë opinionin publik. Në Kuvendin Komunal votuan PRO lënies në diskutim publik të Rregullores për tarifa, ngarkesa dhe gjoba komunale. Sot dalin para qytetarëve sikur kanë qenë kundër. Dokumenti është publik. Vota juaj është publike. Nuk ka asgjë jodemokratike në diskutimin publik të ideve dhe propozimeve me qytetarët. Përkundrazi, demokracia funksionon pikërisht kur vendimet diskutohen hapur dhe kur publiku ka mundësi të dëgjohet”, ka shkruar Pacolli.
Paraqiti faturë të rreme në tenderin mbi 80 mijë euro, aktakuzë ndaj drejtorit të një kompanie në Prizren
Shtëpia e Bardhë nominon ambasadorë për në Bosnje, Serbi dhe Mal të Zi.
Sipas tij, Vetëvendosje ka votuar pro kësaj procedure në Kuvend, ndërsa tani po paraqitet publikisht sikur ka qenë kundër. Ai gjithashtu ka publikuar dhe votat që kanë qenë pro për diskutim në publik të kësaj draft rregulloreje.
“Ajo që po fshehin me vetëdije është fakti se në Kuvend nuk është votuar vendosja e një tarife prej 10 eurosh për hyrje në Prishtinë. Është votuar vetëm dërgimi në diskutim publik i një rregulloreje, një procedurë normale dhe demokratike, ku qytetarët, bizneset, ekspertët dhe grupet e interesit kanë të drejtë të japin vërejtjet, kundërshtimet dhe propozimet e tyre.
Por kur erdhi momenti për të votuar në Kuvend, Vetëvendosje votoi PRO. Sot, kur po kërkon pak pikë politike, shtiret sikur ka qenë kundër. Qytetarët e Prishtinës meritojnë më shumë se kaq. Meritojnë sinqeritet, përgjegjësi dhe qëndrime të qarta, jo propagandë dhe manipulim. Nuk mund të votosh pro në seancë dhe të paraqitesh kundër para kamerave. Ky nuk është qëndrim politik. Ky është mashtrim i opinionit publik”, shkruan Pacolli.
