Presidenti amerikan, Donald Trump, ka paralajmëruar të enjten në mëngjes se Shtetet e Bashkuara të Amerikës do ta godasin Iranin “shumë fort sonte”, ndërsa të dy vendet shkëmbejnë sulme dhe bisedimet e paqes kanë ngecur.
“Shtetet e Bashkuara do ta godasin Iranin (forcat detare, forcat ajrore, radarët, mbrojtjen kundërajrore dhe të gjitha format e tjera të mbrojtjes së tij, së bashku me shumicën e kapaciteteve të tij sulmuese, janë zhdukur!), shumë fort sonte”, ka shkruar ai në një postim në Truth Social.
Trump gjithashtu tha se SHBA-të do të marrin Ishullin Kharg dhe infrastrukturë tjetër të naftës. Ky ishull i vogël në Gjirin Persik është një pikë jetike ekonomike për Iranin dhe trajton rreth 90% të eksporteve të naftës së papërpunuar të vendit.
“Në një moment jo shumë të largët, ne do të marrim Ishullin Kharg dhe pika të tjera të infrastrukturës së naftës, dhe do të marrim kontroll të plotë mbi tregjet e tyre të naftës dhe gazit, njësoj siç kemi bërë me Venezuelën, gjë që po funksionon në mënyrë të shkëlqyer si për Venezuelën ashtu edhe për Shtetet e Bashkuara të Amerikës”, shtoi ai.
