Numërimi i fletëvotimeve që i takojnë votimit jashtë Kosovës, përkatësisht në 30 përfaqësi diplomatike, që ka filluar dje pasdite është duke vazhduar.
Deri më tani, bazuar në përditësimet e KQZ-së, janë numëruar 13 nga 47 vendvotimet, raporton Klankosova.tv
Pas përfundimit të numërimit të dhënat janë duke u transmetuar në këtë LINK të platformës së rezultateve.
Aktualisht, VV është e para me 83.82%, PDK e dyta me 7.49%, pasuar nga LDK me 5.97%, si dhe e katërta Aleanca me 1.60 për qind.
Në procesin e vlerësimit, gjatë ditës së djeshme janë përfshirë rreth 42 mijë fletëvotime, prej të cilave janë aprovuar 40,414, ndërkaq janë refuzuar 1,447.
“Arsyeja më e shprehur se përse janë refuzuar këto pako është sepse në 1,320 raste mungon dëftesa e regjistrimit, një dokument me të dhëna unike, që votuesi i regjistruar e pranon nga KQZ.” – njoftoi KQZ.
