Ai tha se po pret një “mjedis formal” për ta bërë atë publik, shkruan cNN.
“Do të doja që fillimisht të kishim një mjedis formal përpara se ta bëjmë këtë, por nuk kam asnjë problem me këtë, është një dokument i shkëlqyer”, tha ai gjatë një takimi me presidentin e Emirateve të Bashkuara Arabe, Mohamed bin Zayed Al Nahyan, në margjinat e samitit të G7-ës në Francë.
“Ja çfarë thotë: Irani nuk do të ketë kurrë armë bërthamore”, vazhdoi Trump.
Presidenti e nënshkroi marrëveshjen në mënyrë elektronike të dielën, por teksti i plotë ende nuk është bërë publik. As anëtarët e Kongresit dhe as liderët e tjerë botërorë nuk e kanë lexuar atë të plotë. Megjithatë, presidenti e minimizoi çdo pretendim për fshehtësi.
“Ndoshta do të mbaj një konferencë për shtyp dhe do t’jua lexoj fjalë për fjalë, në mënyrë që media ta pasqyrojë me saktësi, sepse është një dokument shumë i rëndësishëm”, tha ai.
“Do ta shqyrtoj dokumentin me mediat brenda disa ditësh”, shtoi ai.
