Lista Guxo e cila drejtohet nga Donika Gërvalla e Faton Peci, në zgjedhjet e 7 qershorit është përgjysmuar sa i përket deputetëve që ka marrë në listën e LVV-së, shkruan Gazeta Express.
Ulëse në Kuvend ka siguruar vetë Donika Gërvalla bashkë me Liza Gashin, Blerim Gashin dhe Valon Pecin.
Nezir Kraki i cili ka fituar votat e mjaftueshme për të qenë deputet, në këto zgjedhje ka sqaruar se ai i përket listës së LVV-së për deputet dhe se s’ka asnjë lidhje me partinë GUXO.
Deri tani, vota për të hyrë në Kuvend s’ka marrë as Fatos Geci, i cili kishte arritur të futej në Kuvend pas zgjedhjeve të 28 dhjetorit.
Gjithashtu Jeta Statovci, Haxhi Avdyli dhe Albena Reshitaj që kanë kaluar në listën e LDK’së , në zgjedhjet e kaluara kanë qenë deputet nga radhët e GUXO-së në listën e VV-së.
