Eksperti i komunikacionit, Bekim Ahmeti ka vlerësuar për “Front Online” se mosrespektimi i kufizimeve të shpejtësisë mbetet një ndër shkaktarët kryesorë të aksidenteve në trafikun rrugor.
“Mos respektimi i shpejtësisë së lëvizjes së automjetit është njëri nga shkaktarët kryesor tjerat janë kur mungon sinjalizimi, nuk kemi radar mobil dhe statik ku e detekton shpejtësinë e lëvizjes dhe s’ka sistem kamerë dhe qytetarët e dinë këtë dhe e shohin fizikisht ku ka policë sa te kalojnë policinë vazhdojnë më shpejtësinë”, ka thënë ai.
Sipas ekspertit, nëse nuk merren masa shtesë për monitorimin e qarkullimit, aksidentet do të vazhdojnë të mbeten një problem serioz.
“Duhet të ketë radar ku nuk e dimë se ku janë atëherë ishim ndërgjegjësuar, përndryshe do të kemi aksidente siç kemi pas në të kaluarën”, tha Ahmeti.
Ahmeti ka dhënë edhe një propozim.
“Vendosja e kamerave në vetura do ishte një mundësi shumë e mirë për identifikimin e këtyre rasteve”, u shpreh ai.
