Endrit Thaçi ka publikuar në llogarinë e tij në Instagram një fotografi të babait të tij, ish-presidentit të Kosovës Hashim Thaçi, i cili vazhdon të qëndrojë në paraburgim në Hagë.
Fotografia, e realizuar në një ambient të thjeshtë dhe me paraqitje zyrtare, e tregon Thaçin të buzëqeshur dhe në gjendje të mirë shpirtërore.
Hashim Thaçi ndodhet në paraburgim që nga nëntori i vitit 2020, ndërsa procesi gjyqësor ndaj tij dhe bashkëakuzuarve të tjerë po vazhdon. Gjatë kësaj periudhe, familjarët e tij kanë publikuar herë pas here fotografi dhe mesazhe në rrjetet sociale, duke shprehur mbështetje dhe duke kërkuar drejtësi në procesin që po zhvillohet.
