Inspektorati Qendror i Punës ka ndalur punimet në një objekt ndërtimi në Gjakovë, krejt kjo pasiqë gjatë inspektimit ka konstatuar se kishte parregullësi në mosmarrjen e masave për siguri dhe shëndet në punë, transmeton Gazeta Online Veriu.info.
Njoftimi:
Inspektorati Qendror i Punës ndalon punimet në një objekt ndërtimi në Gjakovë
Inspektorati Qendror i Punës gjatë inspektimit në një objekt ndërtimi në komunën e Gjakovës, ka konstatuar se kishte parregullësi në mosmarrjen e masave për siguri dhe shëndet në punë.
Për këtë arsye, Inspektorati Qendror i Punës ka nxjerrë vendim për ndalimin e përkohshëm të punimeve në këtë objekt ndërtimi deri në eliminimin e të gjitha mangësive të evidentuara dhe krijimin e kushteve të sigurta për zhvillimin e punës.
Inspektorati Qendror i Punës mbetet i përkushtuar në mbikëqyrjen e zbatimit të legjislacionit të punës dhe apelon te të gjithë punëdhënësit që të respektojnë standardet e sigurisë dhe shëndetit në punë, me qëllim të parandalimit të aksidenteve në vendin e punës.
